Ríkisstjórnarfundur. Sýslumaðurinn í Bolungarvík Leið ehf. og Seðlabankinn

 

Það er ríkisstjórnarfundur samgönguráðherra hefur orðið. "Ég hef hugsað mér að styrja sýslumanninn í Bolungarvík sem er stjórnarformaður Leiðar ehf. að hann fái leyfi á launum í amk. eitt ár til að sinna félagi sínu betur til hagsbóta vegakerfinu, hvað segir dómsmálaráðherra um það"?

Dómsmálaráðherra: "Já en þá er að finna mann til að gegna embættinu auglýsa það og þetta getur varað lengur en til eins árs"

Forsætisráðherra: "Forsætisráðaneytið getur lánað mann í embættið án auglýsingar, sá gegnir nú formannsstöðu í Seðlabanka íslands gæti dómsmálaráðherra fallist á þann mann hann er þaulvanur í stjórnsýslunni".

Dómsmálaráherra. "Já hann er mjög hæfur í þetta." Allir ráðherrarnir eru sammála um þetta. Framkvæmdin er svona:

  Forsætisráðaneytið 15.2.2009 Davíð Oddsson. Forsætisráðherra gjörir yður kunnugt að ég hefi nú fallist á beiðni dómsmálaráðherra* að hann skipi yður sýslumann í Bolungarvík í eitt ár í senn.Skipunin er samk 22. gr. og 36. gr. l. nr. 70/1996 og tekur gildi þegar dómsmálaráðherra hefur tilkynnt yður flutninginn.  Jóhanna Sigurðardóttir.     

Lagarök ef einhver efast  22. gr. Embættismenn teljast samkvæmt lögum þessum einvörðungu þeir starfsmenn ríkisins sem taldir eru upp hér á eftir:
   1. Skrifstofustjóri Alþingis, ríkisendurskoðandi og umboðsmaður Alþingis.
   2. Forsetaritari, ráðuneytisstjórar og skrifstofustjórar í Stjórnarráði, sendiherrar og sendifulltrúar í utanríkisþjónustunni.
   3. [Hæstaréttardómarar, skrifstofustjóri Hæstaréttar og héraðsdómarar.]¹⁾
   4. Biskup Íslands, vígslubiskupar, prófastar og prestar þjóðkirkjunnar.
   5. Ríkissaksóknari, vararíkissaksóknari og saksóknarar.
   6. Ríkislögmaður, ríkissáttasemjari og umboðsmaður barna.
   7. [Sýslumenn, ríkislögreglustjóri, [aðstoðarríkislögreglustjórar, lögreglustjórar og aðstoðarlögreglustjórar],²⁾ skólastjóri Lögregluskóla ríkisins, [forstjóri Útlendingastofnunar]³⁾ og lögreglumenn.]⁴⁾
   8. [Tollstjórinn í Reykjavík og tollverðir.]⁵⁾
   9. [Forstjóri fangelsismálastofnunar, forstöðumenn fangelsa og fangaverðir.]⁴⁾
   [10. Ríkisskattstjóri, skattrannsóknastjóri ríkisins, yfirskattanefndarmenn sem hafa það starf að aðalstarfi og skattstjórar.
   11. …⁶⁾
   12. [Yfirdýralæknir.]⁷⁾
   13. Forstöðumenn ríkisstofnana og ríkisfyrirtækja, áður ótaldir.]⁴⁾    36. gr. Stjórnvald, sem skipað hefur mann í embætti, getur flutt hann úr einu embætti í annað, enda heyri bæði embættin undir það. Enn fremur getur stjórnvald, sem skipað hefur mann í embætti, samþykkt að hann flytjist í annað embætti er lýtur öðru stjórnvald*i, enda óski það stjórnvald eftir því.
Flytjist maður í annað embætti skv. 1. mgr., sem er lægra launað en fyrra embættið, skal greiða honum launamismuninn þann tíma sem eftir er af skipunartíma hans í fyrra embættinu.

Jón á Útirauðsmýri.

 

 

Þegar lyfin frá Finsen lækni þóttu vera sliga sveitarsjóð tók Jón á Mýri sig til og blandaði lyfin fyrir húsmóðurina í Sumarhúsum sjálfur vegna þrálátrar hjartveiki hennar.

Greinilegt er að Ögmundur hefur lesið Sjálfstætt fólk.

Lyfjaútgjöld lækka um milljarð

Síðasti fasistinn

 

 

Næstsíðasti fasistinn sem hverfur úr stóli á vesturlöndum, eða síðasti vegna þess að Berluskoni er fyrst og fremst hirðfífl.

Vér fögnum þessu.

Rasmussen farinn eftir mánuð

Mikil óvissa

 

 

Það er alls óvíst með endanlega uppröðun á listann. Þetta er flóknara en svo að atkvæðafjöldi ráði. Fyrst þarf að reikna út sjávarstöðu næsta stórstraumsflóðs eftir fæðingardag móðurömmu viðkomandi frambjóðanda, þá þarf að deila í það með meðalfallþunga dilka í uppsveitum Árnessýslu árið 2000 að frádregnum fallþunga þeirra bæja sem hæstan og lægstan fallþungan höfðu. Að fenginni þessari niðurstöðu kemur fjöldi símastaura í hrepp elsta föðurbróður/móðurbróður ömmu frambjóðenda til frádráttar atkvæðum sem greidd voru eftir kl. 17:21. á kjördag. Það sem skekkt getur þennan útreikning er svo sá mælikvarði sem notaður var þegar fæðing móðurömmu viðkomandi frambjóðenda bar að , hvort miðað var við öln, þumlunga, eða metrakerfið. Þeir sem elstu móðurömmurnar eiga standa óneitanlega höllum fæti þar sem metrakerfið gefur betri niðurstöðu, svo er líka um þéttleika og víðáttu byggða varðandi fjölda símastaura á hverjum tíma. Til jafnræðis koma þó símastrenglagnir í jörð hjá allra yngstu frambjóðendunum, og vegur á móti  þeim mælikvarða sem er í óhag þeim elstu. Ögmundur gæti þessvegna dottið út. Þar sem framsóknarmenn hafa viðhaft mjög áþekkt val verða þeir fengnir til að reikna út niðurstöðuna.

 

Guðfríður Lilja leiði listann

Er forsetisráðherra Íslands aumingi.

 

 

Forsætisráðherra Íslands er æðsti handhafi framkvæmdavaldsins sem hún þáði af Forseta Íslands.

Að lýsa vonbrigðum um að undirmenn hennar valdi henni vonbrigðum með því að neita að hætta eða hætta þegar þeim hentar er hreinn aumingjaskapur og olía á þann eld innananlands og erlendis að ríkisvaldið á Íslandi sé skipað fíflum.

Dómsvaldið er sjálfstætt frá löggjafarvaldi og framkvæmdavaldi sérstaklega Hæstiréttur.  Það kom þó ekki í veg fyrir að Forseti Íslands ræki dómara við Hæstarétt Íslands umsvifalaust árið 1989 fyrir afglöp í starfi.

Hvað á þetta að þýða.

Vill að Eiríkur hætti strax

Þarna hljóp Mogginn á sig.

 

Ekki veit ég hvort það er flónska mistök eða eitthvað annað hjá Mogganum að birta þessa frétt. Þetta gæti gefið þeirri stórhættulegu skoðun að samvinna Grænlands Íslands Færeyja og Noregs geti orðið að veruleika í gegn um EFTA og EES og að þessi ríki eigi meira sameiginlegt með Íslandi en Líbía og Sútan.

 

ES: Fréttin er horfin sem vonlegt er.

Grænland fær sjálfsstjórn

Ég á ekki von á neinu.

 

Jóhanna Sigurðardóttir hatar sjálfstætt starfandi karla einkum og sérílagi þá sem ekki sitja við skrifborð. Þetta er önnur kreppan sem ég geng í gegnum með Jóhönnu sem félagsmálaráðherra. Kreppan sem var í upphafi tíundaáratugarins er eina tímabilið sem fjölskylda mín var svöng. Svo var um og marga stéttarbræður mína. Margir þeirra náðu ekki að borga skuldir sínar í "góðærinu" og skulda enn frá 1992. Eitt er víst að þeirra verður hvergi getið í komandi"Greiðsluaðlögunarlögum".

Fyrir rúmu ári samdi ég stutta sögu um vin minn og læt hana fylgja.

 

8.10.2007 | 16:36  

Jón afhrak

   Á þjóðfélagströppunum í neðstu tröppu stendur Jón snikkari fjörtíu og sjö ára og horfir yfir torgið. Ístrumyndun er á byrjunarstigi. Af tröppunni má sjá þá sem vappa um torgið, þekktir barnaníðingar eru þar í meirihluta. Jón er fráskilin tveggja barna faðir eignalaus gjaldþrota atvinnulaus bótalaus hrakinn og smáður en með kosningarétt og í þeim flokki kjósenda sem flokkast sem “óstöðugt fylgi”. Jón hafði ekki séð fjórtán ára dóttur sína í sex mánuði, þá var hún stífmáluð í gallabuxum sem eins hefðuð geta verið málaðar á hana hún var einnig í grunsamlega dýrum skóm. Móðir hennar hafði hringt í Jón og kvartað yfir að hún hefði ekki mætt lengi í skólann og lét fylgja í hæðnistón að hún hefði alltaf næga peninga og vissi ekki “úr hverjum hún hefði það”. Jón kynntist þessari konu tuttuguogþriggja ára að aldri þau hófu fljótlega búskap keyptu sér íbúð og síðar einbýlishús í Kópavogi. Jón var duglegur maður og þénaði mikið þessi ár við smíðar. Þénustan var slík að hann frestaði að klára smíðanámið. En á tíunda áratuginum varð samdráttur. Jón lenti í verkefnaskorti. Ísskápurinn hjá litlu fjölskyldunni var tómlegur, aðallega var þar að finna sultu sósur og sardínur. Samdrátturinn kom fleirum í opna skjöldu, skattrannsóknarstjóra þótti tekjuleysi Jóns mjög frá líkindum og kallaði hann fyrir. Því miður var Jón ekki eins lipur í kjaftinum og hann var laginn í höndunum. Málinu við skattayfirvöld lauk með sjö miljón króna áætlun auk sektar. En Jón var ekki af baki dottinn. Hann arkaði með þumlungsþykka skýrsluna til endurskoðanda síns. Endurskoðandinn fletti bókinni og sagði svo: “Ég skal fara í þetta ef þú gerir upp skuldina við mig og borgar hundraðogfimmtíuþúsund inn á þetta”. Því miður gat Jón ekki einusinni gert upp skuldina og lét málið drabbast. Húsið var boðið upp og ungu hjónin stóðu á götunni með tvö börn. Skatturinn fékk eina miljón restin fór til annarra veðhafa. Tollstjóri fór fram á gjaldþrotaskipti á búi Jóns. Ekki var Jón af baki dottin hann fékk sér vinnu og íbúð til leigu. En það voru líka fleiri sem sátu fast á baki. Tollstjóri komst að því að Jón var farinn að vinna og gerði kröfu um að af launum skildi halda eftir þannig að Jón fékk lítið sem ekkert útborgað. Jón fór að vinna svart. Konan sem var æ oftar klædd joggingbuxunum var orðin mjög óróleg út af stöðugum blankheitum og lét textann ganga á Jóni. Þar kom að Jón og konan skildu. Jón hefur átt marga ferðina á skrifstofu Tollstjóra skrifstofu atvinnuleysis skrifstofu félagsmála skrifstofu lögmanna og skrifstofu heimilanna, allar luku þessar skrifstofuferðir með sama árangri. Á tímabili hlustaði Jón á útvarp Sögu eins og hjálpin kæmi þaðan, hringdi jafnvel inn.  Gamall kunningi Jóns hringdi í hann á og bauð honum vinnu, hann var orðinn byggingaverktaki með fimmtíu manns í vinnu. Þar vann Jón í tvo mánuði. Eftir fyrsta mánuðinn fékk Jón útborgað fjögurhundruðogfimmtíuþúsund, hann var fljótur að eyða því en hvað gerði það til það var komið að næstu útborgun. Útborgun sú reyndist vera fjöguþúsundogfimmhundruð, hann áttaði sig ekki fyllilega á þessu, fjögurþúsundogfimmhundruð!!!. Þegar hann fór að skoða launaseðilinn betur kom í ljós að þénustan var að vísu fjögurhundruðogsjötíuþúsund en mismunurinn hafði farið í gamla skatta. Jón ákvað að hella sér yfir launafulltrúan eins og hún ætti sökina. Hann hringir á skrifstofuna og biður um samband við hana, “augnablik” er sagt hinumegin á línunni. Á meðan Jón beið kemur rödd í símann sem segir: “því miður er innistæða þín búin” og svo kom sónn og síðan búið. Jón hætti að vinna hjá kunningja sínum og tók annan skrifstofuhring með sama árangri. Hann átti ekki rétt á atvinnuleysisbótum. Féló benti á atvinnuleysisbætur sem bentu honum aftur á féló. Þetta var í vor og kosningaslagurinn á fullu. Jón frétti að Össur Skarphéðinsson hygðist leggja fram frumvarp um niðurfellingu gamalla skulda og hefði beðið Guð að hjálpa bönkunum ef hann kæmist til valda, en bankarnir vori löngu hættir að elta Jón. Eins og áður sagði var Jón kjósandi í flokki hreyfanlegs fylgis hann ákvað að kjósa Össur, en með því að kjósa Össur var hann líka að kjósa Jóhönnu hún hafði stranglega lýst yfir að ekki kæmi til greina að fella niður skuldir þeirra sem hefðu safnað þeim með atvinnurekstri. Því miður áttaði Jón sig ekki að þessu. Þannig stóð Jón utan við seilingu allra sem telja sig berjast fyrir einhverskonar réttindum, hann stóð fyrir utan mannréttindayfirlýsingu SÞ sem segir að allir eigi rétt til lífs eigna og frelsis. En enginn sóttist svo sem eftir fötunum hans eða lífi og engin bannaði honum för. Hann varð að sjá um sig sjálfur.   Við útför Jóns voru mittisjakkar og þykkbotna skór áberandi hjá körlum. Sumir höfðu gnúið feiti í hárið. Öldruð móðir Jóns sagðist ekki skilja þetta. Örfáir gáfu sig að gömlu konunni efrir athöfnina og hefði mátt ætla á viðbrögðum hennar að flestir hefðu sagt henni mjög góðan brandara því hún frussaði og hristi sitt gráa höfuð. Konan fyrrverandi var í svörtum buxum og hvítri skyrtu sem hún reyndi í sífellu að draga niður eftir hægri lend. Dóttirin var ekki áberandi máluð og starði fram í stjarfa, hún var ekki í dýru skónum.Mittisjökkungar forðuðust hópmyndun að athöfn lokinni. Þeir skulduðu líka.

Slá skjaldborg um heimilin

Stórkostlegur misskilningur lögfræðinga.

 

Guðni Th. Jóhannesson étur upp þvæluna úr lögfræðingum og lagaprófessorum um vald Forseta Ísland. Það er skýrt samkvæmt Sts. að þingrofsvaldið er í höndum Forseta Íslands og aðeins í höndum Forseta Íslands.

Það er skýrt samk. Sts. að vald sitt þiggja ráðherrar úr hendi Forseta Íslands, ekki frá Alþingi. Það er söguleg staðreynd að aldrei hefur verið mynduð ríkisstjórn á íslandi eftir 1262 fyrir atbeina Alþingis.

Það er tilræði sem jafna má við landráð hvernig lagaprófssora tala um valdheimildir Forseta Íslands.

Samkvæmt áliti Þórs Vilhjálmssonar fyrrverandi lagaprófessor, forseta Hæstaréttar og dómara við Mannréttindadómstól Evrópu að endanlegt og æðsta vald á Íslandi í höndum formanns Sjálfstæðisflokksins á hverjum tíma. Þetta er hérumbil einróma samþykkt í lagaakademíunni á Íslandi.

Stórkostlegur misskilningur forseta

Ástandið er sjúkt.

 

 

Það hlutgerist í sjónvarpsmyndum sem sýnd voru áðan í viðtölum við foringja stjórnarinnar.

Það hlutgerist í afsökunarbeiðni sem Hörður Torfason var kúgaður til að biðjast afsökunar af því hann benti á að keisarinn var ber.

Það hlutgerist í því að fárveikir formenn stjórnarflokkana, til sálar og líkama, kúga þingmenn sína til hlýðni.

Það hlutgerist í því að "ofurbloggararnir" hér taka sér tíma til að lesa ástandið en mislesa það og blogga svo væmin blogg um veikindi formannanna. Standa svo naktir eins neitandi nekt sinni. "Hvað verður um Jaklín og börnin"?

Það hlutgerist í því að fasistar koma út úr skápnum hér á blogginu og bræður þeirra grýta lögregluna.

Allir sem komnir eru yfir fertugt hafa kynnst veikindum og dauða ástvina þar á meðal ég, oft. Enginn þessara ástvina minna hafa gert þá kröfu að þjóðfélagið leggist að og faðmi fótskör þeirra, ekki einu sinni til sinna nánustu. Það eiga hundruð manna eftir að verslast upp og deyja aukalega, eingöngu, vegna ástandsins sem að nú ríkir.

Ingibjörg Sólrún og Geir Haarde sitja í andstöðu við þjóðina og þingið í skjóli veikinda sinna það sjá allir sem vilja sjá. Þeim báðum tókst í skjóli veikinda sinna að kúga þingflokka sína til hlýðni og Hörð í leiðinni og líklega þjóðina á endanum. Þetta er sjúkt. Sá sem er mjög veikur og stendur jafnvel frammi fyrir dauðans óvissu er ekki sjálfrátt, hann þarf skjól. Ef hann vill það ekki er það á ábyrgð þeirra sem nærst standa að koma honum í skjól.

Mótmælt á tveimur stöðum

Krafa til Forseta Íslands.

Kristján Sigurður Kristjánsson gjörir kunnugt. 

 

Virðulegi Forseti Íslands Hr. Ólafur Ragnar Grímsson.

Hér með er þess krafist af yður að þér víkið frá ríkisstjórn Geirs H. Haarde og skipið Sigmund Davíð Gunnlaugsson forsetsráðherra. Í ráðaneyti Sigmundar verði ráðherrar frá öllum starfandi stjórnmálaflokkum sem vilja eiga aðild að stjórninni að undanteknum þeim sem hafa gengt ráðherraembætti sl. tuttugu ár.

 

Greinagerð: Ríkisstjórn þessi verði til bráðabyrgðar og geri ráðstafanir sem ekki geta beðið. Alþingi starfi fram í miðjan maí og verði þá rofið og gengið til almennra kosninga. Frekari rökstuðningur er óþarfur.

Horft verði á málin heildstætt