Trú og bókmenntaníð.

Í kirkjum landsins í dag fer fram mikil trú og bókmenntaníð. Passíusálmar Hallgríms Péturssonar, ein bestu trúar og bókmenntaperlur á íslenska tungu, eru lesnir upp í belg og biðu. Þetta er íslenska útgáfan fáránlegum "krossfestingum" sem einkum eru stundaðar á Filippseyjum sjálfum sér til dýrðar. Til að bæta gráu ofan á svart er sumstaðar sálmarnir sungnir, en þó með þeim afslætti á passíunni að fyrsta og seinasta erindið er sungið fram.

Næst er keppni í upplestri Passíusálmana hangandi neðan úr kirkjulofti á annarri löppinni. Sá eða sú sem getur lesið flesta sálma þannig uppihangandi fær utanlandsferð í verðlaun. Yrði þetta mjög í anda Passíusálmana: "Upp upp mín sál........"

Eða:

Upp upp mín sál og allt mitt streð

upp upp mín löpp og skórinn með.