Hrun, algert hrun

Ef að 7-10% neita að borga reikningana sína verður algert hrun, þetta er einföld og útreiknanleg staðreynd.

Við vitum líka að 10% munu ekki fara þá leið að neita að borga. En þó má búast við að 2% neiti að borga 5% láta það dankast og 12% geta ekki borgað. Samtals eru þetta 19%.

Þegar 19% borga ekki verður hrun, algert hrun og þau 81% sjá enga ástæðu til að borga.  Þannig er "spá" seðlabankans algerlega út í hött.

Það blasir við að almenningur verður að standa með og styðja Alþingi og ríkisstjórn í viðleitni sinni til að halda stöðu Davíðs Oddssonar það er alls óvíst að þetta mikla verkefni takist en ef að allir leggjast á eitt má vera að þetta takist. Ef að alger samstaða og einhugur næst meðal þjóðar og þings má vera að frumvarp um friðun héra komist í gegnum þingið þannig verði hægt að endurreisa l. nr. 23/1914 og við sýnum útlendingum í verki dugnað íslensku þjóðarinnar í verki.

Setur spurningamerki við spá Seðlabankans

Athugasemdir

[Guðjón Sigþór Jensson, 7.11.2008 kl. 16:32]

Mosi er það gamaldags að hann lítur svo á að allir eigi að bera ábyrgð á því sem þeir hafa gengist í og engum verði gert mögulegt að hlaupast á brott frá skyldum sínum.

Lög nr. 23 frá 1914 fjallar um friðun héra sem voru víst barn síns tíma. Eigi áttar Mosi sig á í hvaða samhengi Kristján hvernig þú tengir þessi lög við Davíð nema þú lítur á seðlabankastjórann sem einn slíkan. Einhvern tíma fyrir 20-30 árum voru þessi lög látin gossa eins og önnur sem ekki samræmdust nútíma samfélagi.

Þannig er einnig með samfélagið í dag. Davíð er barn síns tíma þegar stjórnmálamenn komust upp með nánast allt án þess að bera mikla ábyrgð á mistökum. Í mínum augum er hann eins og hver önnur hálfgerð óheillakráka í íslensku samfélagi sem hefur oft gefið lýðræðinu langt nef.

Mosi

[Kristján Sigurður Kristjánsson, 7.11.2008 kl. 18:28]

Þetta með friðun héra ofl. Það blasir við öllum að eina verkefni ríkisstjórnar og Alþingis er vörnin um Davíð Oddsson það er ekkert annað á dagskrá og virðist ekkert annað vera á dagskrá þingsins og ekkert virðist annað komast að. þess vegna ef að um hægist er þessi möguleiki í stöðunni með hérana. Aukaatriði eins og björgun almennings og fyrirtækja sitja á hakanum. Á blaðamannafundi áðan spurði engin fréttamaður út í kreppuna. Aðalatriðið var: Hvernig skóm eru bankastjórarnir í.