Yfirvofandi skattrannsókn.

Þar kom að því, mér var hótað handtöku í dag. Þannig var að ég var að vinna þegar tveir menn koma aðvífandi og krefja okkur um "Vinnustaðsskýrteini" enginn var með slíkt og báðu þeir um kennitölur og fengu nema hjá mér. Ég spyr frá hvaða stofnun þeir séu og er svarað; "Samtökum atvinnulífsins". Ég svara að ég ætli ekki að gera neinum félögum út í bæ grein fyrir mér. Þeir vitna í lög og ég um hæl í 2. gr. Sts. Að: "Forseti og önnur stjórnarvöld samkvæmt stjórnarskrá þessari og öðrum landslögum fara með framkvæmdarvaldið." Löggjafanum sé óheimilt að framselja ríkisvald til samtaka út í bæ einnig fari þetta gegn 74. gr. Sts. sem banni skylduaðild að félögum og svo náttla gegn Mannréttindasáttmála Evrópu. Þeir sögðu að þeir skildu alls ekki rullu þessa og vildu Vinnustaðaskýrteini og ég þverneita enn. Næst var það blíða leiðin hvar ég vinni og hvaða félagi ég væri í, takið eftir hvaða félagi ég væri í. Ég sagðist ekki vera í neinu félagi, það fannst þeim ómögulegt það væri miklu betra að vera í félagi, svo kom stutt ræða um ágæti félaga en bara að þeir fengju kennitöluna. Ég neita enn með mikilli kurteisi.

Þeir söguðst kalla til lögreglu sem þeir gerðu. Lögreglan spyr hvort ég sé að vinna svart. Ég neita og segist vera með alla pappíra í lagi. Lögregla biður um skilríki og enn neita ég á þeim grundvelli að þeir séu að misbeita lögregluvaldi í þágu félags. Lögreglumaðurinn rífur upp handjárn og segist handtaka mig og setja mig inn í klefa þangað til ég segi til nafns. Ok segi ég en þá vildi hann hætta við handtökuna og segjast ekki skilja svona þvermóðsku. Ég legg til að annar lögreglumaðurinn fari afsíðis með mér og hinn passi hina á meðan og ég geri lögreglu grein fyrir mér með því skilyrði að þeir gefi ekki SA mönnum upp nafn mitt. Þetta er samþykkt af öllum.

 

Það næsta sem mun gerast er að lögreglan mun gera Samtökum atvinnulífsins upp nafn mitt og kennitölu sem munu svo kjafta í mömmu (Skattrannsóknarstjóra) og ég verð tekinn í gegn með hefðbundnum hætti þeirra sem hafa komist yfir ríkisvaldið.

 

Að vera tekinn í gegn af ríkisvaldi þýðir velferðamissi það ætti að vera öllum kunnugt. Hve margir hafa ekki misst velferð sína með andófi gegn eigendum ríkisvaldsins en samt eru þeir langt innan við prósent af mannfjöldanum. Skipta þeir máli?  Þó get ég hrósað happi að eigendur íslenska ríkisvaldsins láta sér nægja velferðamissi.

Athugasemdir

[Kristján Sigurður Kristjánsson, 9.5.2012 kl. 11:55]

Dæmi.

Alþingi hefur sett lög á grunvelli þjóðkirkjuákvæðis Sts. að prestar þjóðkirkjunar skuli sjá sjálfir um að innheimta sóknargjöld, í þessu skini er fólki gert að bera "Trúarskírteini". Prestum þjóðkirkjunnar er heimilt að krefja fólk um trúarskírteini og tala um fyrir fólki og fara með stutta bæn. Mega þeir kalla til lögreglu láti fólk ekki skipast eða hlusta á bænagjörð. Biskupsstofa getur lakt á dagsektir kr. 100.000.- á dag fari fólk ekki að fyrirmælum presta.