Bylting í lagasetningu Alþingis.

Dagurinn í dag ætti að verða þjóðhátíðardagur íslendinga. Aldrei frá 1260 hefur Alþingi samþykkt mannréttindaákvæði sem á uppruna sinn í íslenskum heila og verið lagt fram af íslenskum stjórnarherra. Öll önnur mannréttindaákvæði íslenskra laga eru komin erlendis frá, keyrð í gegn undir hótunum. Dæmi er afnám Stóradóms, vistarbands, stjórnarskrá og endurskoðun hennar.

Það er aðdáunarvert hvernig tókst að leyna því að frumvarpið innihéldi mannréttindarákvæði, þó sáu glöggir menn hjá Alþýðusambandi Íslands í gegn um rykið og mæltu gegn samþykkt laganna í formlegu bréfi. Líka hefur verið haldið þannig á málum gagnvart almenningi að ekki hafa orðið uppþot og má sjá á athugasemdakerfum að almenningur heldur að um réttarskerðingu sé að ræða. 

Þetta sýnir svo ekki verður um villst að með sjónhverfingum og áfengi* má breyta miklu í íslensku samfélagi án þess að stjórnmálamenn og almenningur rísi upp gegn breytingunum.

 

 

*Sjá fyrri skrif um EES samninginn. Jón Baldvin hélt áfengi að Davíð Oddssyni þangað til samningurinn varð að lögum. Jón hefur staðfest opinberlega að um plat hafi verið að ræða.

Fyrningarfrestur styttur