Kynferðislega brjáluð kona?

Komin er enn á ný fram kona sem á báðum sjónvarpsstöðvum í kvöld ásakar kirkjunnar þjón um kynferðislega misnotkun. Í fyrra skiptið var hún undantekningalaust lýst geðsjúk á kaffistofum allra vinnustaða sem ég kom á.

Ég hef sagt það áður og get því miður enn staðið við það að stór meirihluti karla og stór hluti kvenna er kynferðislega misþroska. Þetta birtist þannig í umræðunni fyrir þrettán árum að nefndur guðsþénari hafi leitað á fermingarstúlkur, var það sagt að vonum því maðurinn væri  "svo kvensamur"!!!!! Konurnar sem báru þetta á hann voru lýstar kynferðislega brenglaðar. Kona ein, sannkristin safnaðarnefndarkona, kom fram í opinberu viðtali og og lýsti því yfir að hún "tryði á prestinn".

Misþroskinn birtist líka þannig að vændi er flokkað sem kynlíf. (Þingkonur og menn Sjálfstæðisflokksins) Og að vændi skuli banna af því að það sé "ósiðlegt" (Ýmiss trúfífl sem haldin eru kynferðislegri þráhyggju). Til eru furðu margir karlar á sextugs og sjötugsaldri sem fara til Kúpu og "kaupa" sér tvítugar stúlkur til að spássera um á ströndini og halda því fram að þeir séu með kærustu sínar sér við hlið, aðrir karlar fara til Tævans og "kaupa" sér börn í sama skini. Þetta eru í mörgum tilfellum virtir borgarar.

Sögu heyrði ég um einn mann sem fór til Kína, hann "keypti" sér litla vændiskonu. Hann lýsti aðförum sínum á þann veg að hann hefði gengið með hana um gólf á meðan á "kynmökunum " stóð, þótti þetta með eindæmum hraustlegt og hugmyndaríkt. Nú nú, þessi saga var svo sögð í saumaklúbbi miðaldra kvenna. Konurnar voru að vonum ákaflega hissa og hneykslaðar. Þær voru samdóma um eftirfarandi: "Til hvers var hann að ganga með´ana um gólf"!

Athugasemdir

[Heiður Helgadóttir, 29.5.2009 kl. 10:51]

Vel og rétt skrifað um þessi umdeildu mál.