Fjölmiðlamisnotkun, barnamisnotkun.

Allir fjölmiðlar eru í stjórnmálaelítuliðinu. Þetta birtist hjá hinum væmna fjölmiðlamanni Sigmundi Erni fjölmiðlaspjátrungnum Reyni Traustasyni og Jónasi Kristjánssyni sem telur að þeim sé vært. Þetta birtist hjá MBL.IS að ekki er tengill á vel ölvaðan  hagfræðing Seðlabankans og ekki er heldur tengill á vegna drengs með hlaðna skammbyssu. Höfuðfréttaefnið í fréttinni ætti að vera:

1. Hvers vegna er faðir hans með skráða bannaða skammbyssu á sig?

2. Hvers vegna fær hann að skrá á sig vopn sem eingöngu er gert til að drepa menn?

Allir fjölmiðlar hafa tekið sig saman um að spyrja ekki, þetta eru svik.

Varðandi barnamisnotkun sá ég í sjónvarpi tvö tilvik. Í fyrsta lagi á Vínartónleikunum var börnum otað fram sem keti til að gleðja yfirstéttina. Þessi úrkynjun er í samræmi við úrkynjaða Vínartónlistina. Síðara tilvikið var hér á Íslandi, átta ára stúlkubarni er otað fram til að halda "ræðu" fyrir meinta Íslenska undirstétt.  

Athugasemdir

[Ástþór Magnússon Wium, 3.1.2009 kl. 20:21]

Hvar stöðvar barnaþulan Dimmblá?

Hörður Torfason og maður sem kallar sig "hálf pabba" litlu 8 ára stúlkunnar sem þeir tróðu upp á pólitískan ræðupall fóru yfir strikið í dag. Með þeirri áralöngu reynslu sem ég hef af þátttöku af mótmælum og pólitískri umræðu hérlendis get ég nánast fullyrt að barnið mun ekki ganga heilt frá þessum degi.

Og hvar stöðvar barnaþulan? Á litla 8 ára Dimmblá að mæta í næstu mótmæli, t.d. eins og þau sem fóru fram á Hótel Borg á gamlársdag þar sem mótmælendum lenti saman með lögreglunnni? Á litla Dimmblá að taka þátt í borgarlegri óhlýðni mótmælenda? Á litla Dimmblá að mæta á þingpalla og hylja þar andlit sitt? Á litla Dimmblá að taka þátt í kommúnískri uppreisn? Hvar á stöðva barnið?

Ég vona að ég hafi rangt fyrir mér, en  get nánast fullyrt að litla 8 ára Dimmblá mun verða fyrir aðkasti jafnaldra sína á næstu dögum. Þegar litla skinnið mætir í sinn skóla þar sem hennar bíða pólitísk skoðanaskipti við jafnaldra sína. Eða bara einelti frá þeim sem hugsanlega skilja ekki málstað hennar. Kannski hún verði uppnefnd "þorpsfífl" og þaðan af verri uppnefnum eins og greinarhöfundur hefur orðið að þola fyrir sín mótmæli á undanförnum árum. Þá hlustuðu fáir á varnarorðin gegn spillingunni sem nú eru komin í tísku. En það er líklegra en ekki að það einhverjir af litlu guttunum úr Dimmblá kynslóðinni muni ekki skilja að svona mótmæli eru nú allt í einu komin í tísku hér og gætu því gripið til púkalegra aðgerða gegn litlu 8 ára Dimmblá.

Ekkert óharðnað barn á erindi á ræðupall harðra mótmælenda. Það er skylda bæði foreldra og yfirvalda að vernda börn frá að vera misnotuð á pólitískum vettvangi. Bæði sálarheill barnsins svo og öryggi þess var ógnað í dag. Á undanförnum dögum hefur verið kastað stein í lögreglumann og rúður brotnar eftir kast járnlóða inn um rúðu mótmælanda.  Í dag framan við ræðupall barnsins varð orðaskak við grímuklædda mótmælendur. Hvaða vitfirrt foreldri ýtir 8 ára barni sínu inná slíkan pall?

Í fyrri grein um þetta mál skrifaði Birgitta Jónsdóttir sem að mér skilst er einn forsprakki mótmælenda þessa athugasemd: "Ástþór eftir allt saman þá ert þú annálaður friðarins maður að stilla barninu upp til að ná fram hefndum á Einari Má - en lúalegt af þér." Ég veit ekki hvort ég á að gráta eða hlægja við þessum fáranlegu orðum Birgittu, en skora á lesendur að kynna sér aðdraganda þess að börn gerast hryðjuverkamenn.

Ég læt hér fylgja eina af saklausari skopmyndum af mér sem hafa birst í fjölmiðlum og á netinu á undanförnum árum (margar eru til verri m.a. eftir photoshop leikfimi) í kjölfar minnar þátttöku í mótmælum og pólitískri umræðu. Kannski það hjálpi ykkur að skilja að óharnað 8 ára barn á ekki erindi þangað fyrr en það hefur þroskað sinn skráp.