Myntbreyting

Fyrst svona einfalt er að skipta um mynt þá legg ég til að gjaldeyrisforði seðlabankans verði nýttur til að kaupa gull og úr gullinu og því gulli sem liggur ónýtt í geymslum hans verði slegin ný mynt. Myntin gæti heitið spesía mark eða bara fiskur. Ein spesía gæti verið að verðgildi kr. 2.500.- eða meira því krónan fellur gagnvart gullinu í nótt.  Í miðju hennar væri eitt gramm af gulli. Þar með værum við komin með tryggasta gjaldmiðil í heimi.

Kosturinn við gullið er að peningafölsun stjórnmálamanna, spákaupmanna og seðlaprentara væru úr sögunni. Gull hefur verið gild mynt í meir en 2000 ár og eru dæmi að slíkur gjaldmiðill hafi haldið 100% verðgildi í 800 ár þe. 0% verðbólga í 800 ár. Dollarinn var á gullfæti til 1972 þegar Nixon afnam það viðmið til að geta prentað seðla og "fjármagnað" Víet-Nam stríðið. Gull sem mynt er sprottin sem gjaldmiðill í viðskiptum á milli frjálsra kaupmanna sem gerðu viðskipti sín á milli á afskipta miðstýrðs valds.

Samhliða verður að gera tvær breytingar á stjórnarskrá: 1. að gjaldmiðillinn skuli innihalda gull. 2. að breyting á stjórnarskránni verði að samþykkja með 66% atkvæða.

Gallinn er eins og áður segir að erfitt verður fyrir sjóhverfingamenn að athafna sig og efnahagslegt vald færist til almennings. (holki)