Dómur í Lýsingarmálinu á morgunn.

Það er jafnan ómálefnalegt að vera að nefna nöfn dómara. En í Þessu tilfelli er það Arnfríður Einarsdóttir, sem dæmir í málinu, hún er eiginkona Brynjars Níelssonar lögmanns sem leigir húsnæði af Lagastoð. Lögmaður Lýsingar, Sigurmar Kristján Albertsson, er einn eigenda lögmannsstofunnar.  

"Í ljósi þess að lögmaður sækjandans og maki dómarans hafa skrifstofu á sama stað, þótti rétt að skoða vel hvort Arnfríður væri hæf samkvæmt lögum þar um. Það var mat dómsstjórans og Arnfríðar sjálfrar að hún sé hæf".  

Minn úrskurður er: 

1. Í ljósi tímabundins (vonandi), magnaðs vantrausts almennings á stjórnvöldum er þetta óviturleg, taktlaus og smekklaus úrskurður.

2. Í ljósi dóms ME. sem féll gegn íslenska ríkinu þar sem virðulegur Hæstaréttardómari Guðrún Erlendsdóttir var dæmd vanhæf af svipuðum en veikari ástæðum, er þetta ógildur réttur og fáviska í lögfræði.

Síðuhöfundur, sem er rafvirkjameistari að iðn, er orðinn þreyttur á að vera oftast með meiri lagaþekkingu en helstu "lögspekingar" landsins.