Tillaga um meðferð Gylfa forseta ASÍ.

Ég geri hér með að tillögu minni að Hagsmunasamtök heimilanna gefi Gylfa Arnbjörnssyni forseta ASÍ kost á að skoða venjulegt heimili og ræða við heimilismenn á sama hátt og Kínaforseti óskaði eftir og var veitt hér um árið í opinberri heimsókn sinni til Íslands.

Til að veita atburðinum aukin þunga og þá virðingu sem hann á skilið hef sett mig í samband við Árna Snævarr hvort hann væri tilleiðanlegur að láta Geir Jón Þórisson yfirlögregluþjón hrinda sér niður svolítinn halla í tilefni dagsins. Ég er viss um að hið milda og þjóðþekka yfirvald muni ekki skorast undan í jafn mikilvægu máli. Björn Bjarnason gæti hæglega komið fram sem fulltrúi Falun Gong og mætti í leiðinni hafa á lofti mótmælaspjaldi gegn ESB til uppbótar.

Greinagerð:

Gylfi Arnbjörnsson virðist ekki hafa séð eða kynnt sér, eða kynnst, venjulegt heimili á Íslandi ef marka má málflutning hans. Yrði mikil upplifun fyrir forseta ASÍ, að jafnvel sjá og heyra í venjulegan launamann, eða amk. fyrrverandi launamann, sem enn er heimilis-fastur á Íslandi í tvöföldum skilningi. Þröskuldur málsins er að finna túlk.

Viðbót: Kanske ættu fleiri Gylfar að slást með.

Margir íhuga greiðsluverkfall